கால்கள் நாவலுக்கு ஒரு கடிதம்

(இக்கடிதம் ஒரு நல்ல விமர்சனமாகவும் இருப்பதால் எழுதியவரின் அனுமதி பெற்று வெளியிடுகிறேன்)

அன்புள்ள அபிலாஷ்

வாழ்த்துக்கள்.உங்களுக்கு இளம் எழுத்தாளர் பரிசு கிடைத்ததற்கு மகிழ்ச்சியையும் பாராட்டையும் தெரிவித்துக் கொள்கிறேன்.உங்களுடைய இன்றிரவு நிலவின் கீழ் நூலையும் படித்தேன் ,நல்ல முய்ற்சிகள்.இலக்கிய உலகில் தொடர்ந்து இயங்கி மேன்மேலும் படைப்புத் துறையிலும் எழுத்திலும் வெற்றிகளை ஈட்டுக.உங்கள் கால்கள் நாவலை எங்கள் மாணவர்களுக்கு அறிமுகப்படுத்துகிறேன்.

கால்களில் கதை சொல்லும் முறையில் தொய்வில்லாமல் இவ்வளவு பக்கம் எழுதியது உங்கள் திறமையைக் காட்டுகிறது.மொழியின் ஆழமும் அதன் உவமை முதலிய நிறைந்த செழுமையான நடையும் கவரத்தக்கதாக உள்ளன.அதற்கும் மேலே அப்படைப்பில் வெளிப்படும் ஒரு அறிவு ததும்பும் வாழ்க்கைச் சூழல் அதற்கு  ஒரு உயர்ந்த தரத்தைத் தருகிறது.பாசாங்கில்லாத மெய்மை சார்ந்த பாத்திரப்படைப்பு உங்கள் புனைவுலகத்திற்கு வலுச் சேர்த்துள்ள ரசவாதம் வியப்பாக உள்ளதுஇபல விஷயங்களைப் பற்றிய அநாயாசமான பார்வைகளில் வெளிப்படும் முதிர்ச்சியான உதிர்ப்புகள் (அண்ணா குறள் பற்றியவை)இளைஞரான உங்களிடம் ஏற்பட்டுள்ள ஆரோக்கியமான வளர்ச்சியைக் காட்டுகிறது.இது பாராட்டிப் போற்றத்தக்கது.தமிழுக்குப் பெருமையும் வளமையும் சேர்ப்பது.அதற்காகத் தான் இந்தப் பரிசு.தொடர்க உங்கள் இலக்கியப்பணி.தமிழ்ப் பணி.

வாழ்க வளர்க வளமுடன்

அன்புடன்

கி.நாச்சிமுத்து

 -- 

Prof.Krishnaswamy Nachimuthu
Professor &Coordinator ,Department of Tamil,
Central University of Tamilnadu

Neelakkudi Campus.Kangalancherry,

Thiruvarur-610 101(Tamil Nadu)