Tuesday, May 10, 2016

கடவுள் இருக்கிறாரா? எதிர்வினைகள்


முதலில் கலைச்செல்வி முகநூலில் எழுதியது:

Abilash Chandranகடவுள் இருக்கிறாரா கட்டுரையை உயிர்மை இதழில் படித்தேன்.தீராநதியிலும் ஒரு கட்டுரை எழுதியிருக்கிறார். அமுருதாவிலும் படித்ததாக ஞாபகம். நிறைய கட்டுரைகள் எழுதுகிறார். எங்கிருந்துதான் இத்தனை எண்ணங்கள் தோன்றுகிறதோ என்று நினைப்பேன். அவரின் தனித்துவமே தான் சொல்ல வந்த கருத்துகளை தகுந்த “மூலம்“ கொண்டு நிலைநிறுத்துவதே. அதிலும் கடவுள் இருக்கிறாரா கட்டுரை மிக முக்கியமான ஒன்றாக தோன்றுகிறது. அத்தனை அழகழகான தகவல்களால் கட்டமைத்து செல்கிறார்.  ஒரு அறிவியல் புனைக்கதையில் ஒருவர் வேற்று கிரகத்திற்கு உயிர்களை தேடிப் போகிறாராம். அங்கு மனித நடமாட்டமே இல்லை. வெறும் கட்டடங்கள் மட்டுமே உள்ளது என்று பூமியிலிருக்கும் தன் மேலதிகாரிக்கு Report செய்கிறார். அந்த நேரத்தில் அவர் கண் முன் ஒரு கட்டடம் நகர்ந்து போகிறது. கதை முடிவடைகிறது.  கடவுள் இப்படிதான் இருப்பார்.. இருக்க வேண்டும் என்பது குறித்து கற்பனை செய்யும் மனிதனுக்குள்தான் பிழையுள்ளது என்ற கருத்தை பேசுகிறார். கூறவில்லை. சுவாரஸ்யமான. கட்டுரை  இறுதியில் சொல்கிறார்..நான் பணமின்றி என் வியாதிக்கு அடிமையாக்கப்பட்டேன். ஆனால் பின்னர் என் எழுத்தின் வழி விலையின்றி மீட்கப்பட்டேன். “விலையின்றி அடிமை ஆக்கப்பட்டீர்.. பணமின்றி மீட்கப்படுவீர்“ என்ற விவிலியத்தின் வரிகளை மேற்கோளிட்டு. நல்ல கட்டுரை.

அடுத்து ரதன் ரகு முகநூலில் தெரிவித்தது:
எனது இம்மாத தீராநதி கட்டுரை பற்றி ரதன் ரகு:

““நவீன புனைவுகளில் ஊனத்தை குறியீடாக்குவதன் சிக்கல்” என்ற உங்களது கட்டுரையை தீராநதியில் வாசித்தேன். நீங்கள் குறிப்பிட்ட அனைத்து நாவல்களையும் முன்பு வாசித்துள்ளேன். உங்கள் கண்ணோட்டமும் ஆய்வும் வித்தியாசமாக இருந்தது. சயந்தனின் நாவலில் நீங்கள் குறிப்பிட்ட பகுதிகளை மட்டுமே திரைப்படமாக்கினால் நிச்சயமாக ஒரு தரமான சினிமா மலர்ந்து விடும். நவீன தொழில்நுட்பம் ஊனத்தின் மீதும், அதன் மதிப்பீடுகள், பார்வைகள் மீதும் ஏற்படுத்தியுள்ள தாக்கங்களை வித்தியாசமாக பதிவு செய்துள்ளீர்கள். செயற்கை கால்களை பொருத்தி நடக்கத் தொடங்கியவுடன், தான் ஊனமானவர் என்ற மனோநிலை மாறி இயல்பானவர் என்ற நிலைக்கு மாற்றப்படுகின்றார் என்பது அழுத்தமான பதிவு. தடித்த கண்ணாடி போடுபவர்கள் பலர் இன்று தொழில்நுட்ப வளர்ச்சியால் இவர்கள் கண்கள் பார்வை குறைந்தவர்கள் என்ற தெரியாதலளவிற்கு மாற்றங்கள் வந்துள்ளன. இது அவர்களது அக நிலையிலும் மாற்றங்களை கொண்டுவந்துள்ளன.
நான் வாசித்த கட்டுரைகளுள் மிகவும் வித்தியாசமான பதிவு. இன்றைய காலகட்டத்தின் மிகவும் அவசியமான பதிவு இது. வாழ்த்துக்கள்.”

இருவருக்கும் என் நன்றியும் அன்பும்.

No comments: