Saturday, January 23, 2016

ஒரு சின்ன பூவை பூக்க வைப்போம்


இன்றைய தினம்
ஒரு சின்ன பூவை
யாருக்கும் தெரியாமல்
மலர செய்வோம்

ஒரு சின்ன பூ பூப்பது
பூமியை பூட்டும்
கடவுளின் முறுகிய திருகலாக இருக்கலாம்


இறந்து கொண்டிருக்கும்
ஒரு தேகத்தினுள்
சின்னதாய் துளைத்து நுழையும்
ஆபரேசன் கத்தியாக இருக்கலாம்

தனியே தூங்கும் குழந்தையின்
கனவில் தோன்றிய
காரணம் மறந்த சிறு பீதியாக இருக்கலாம்


ஒரு சின்ன பூவை பூக்க வைப்போம்

No comments: