Friday, October 16, 2015

கறுப்பு பூனை லாஜிக்




முழுக்க வெள்ளை நிறம் அடிக்கப்பட்ட ஒரு அறை. அங்கே சுவரை ஒட்டி ஒரு கரும்பூனை அமர்ந்திருக்கிறது. அந்த அறையில் இரண்டு கரைவேட்டிகள் வருகிறார்கள். ஒருவர் தி.மு.க. இன்னொருவர் அ.தி.மு.க. பூனையின் நிறம் என்னவென்று அறிந்து வரும் படி தத்தம் கட்சி தலைமை அவர்களை அங்கு அனுப்பி உள்ளது. இரண்டு பேரும் பார்த்து விட்டு பூனையின் நிறம் கறுப்பு என்று ஒரே போல் போய் சொல்கிறார்கள். திமுககாரரை பார்த்து கலைஞர் சொல்கிறார் “அதெப்படி அதிமுக ஆள் மாதிரியே பேசுகிறாய்? நீ கட்சி தாவி விட்டாயா?”. ஜெயலலிதாவோ இன்னொரு படி சென்று கரைவேட்டியை கட்சியில் இருந்தே தூக்கி விடுகிறார். இது தான் கறுப்பு பூனை லாஜிக்.


 இரண்டு பேருக்கும் பூனை கறுப்பாய் தோன்றியதால் இருவரின் கட்சிக் கொள்கையும், சார்பும் ஒன்றாவதில்லை. ஆனால் சிலநேரம் நாம் இது போல் மனிதர்களை தவறாய் மதிப்பிடுகிறோம். இதை தத்துவத்தில் logical fallacy என்கிறார்கள்.
சமீபத்தைய விருது திரும்ப அளிக்கும் சர்ச்சையில் நான் முன்வைத்த கூற்றுகள் எதிர்பாராத வகையில் பா.ஜ.கவின் வாதங்களுடன் ஒற்றுமை கொண்டிருந்தன. உடனே சில நண்பர்கள் இதைப் பிடித்துக் கொண்டு நீ பா.ஜ.கவில் சேர்ந்து விட்டாயா என்று கேட்டார்கள். அவர்களுக்கு தான் இக்கதை.

1 comment:

Durai Jeyachandran said...

முழுக்க உண்மை. ஒரு நிகழ்வில் ஒத்த கருத்து கொண்டிருப்பதால் எல்லாவற்றிலும் ஒன்று படுவர் என்று அர்த்தமில்லை. அது மட்டுமில்லை. எந்த இரண்டு பேரும் எல்லா நிகழ்வுகளிலும் ஒத்த கருத்து கொண்டிருப்பதில்லை.
நன்றி.
துரை எஸ். ஜெயச்சந்திரன்.