Friday, May 15, 2015

ரோஹித் ஷர்மாவின் அணித்தலைமை

Image result for rohit sharma ipl

நேற்றைய .பி.எல் ஆட்டத்தில் மும்பை அணிக்காக ரோஹித் ஷர்மாவின் தலைமை அற்புதம். குறிப்பாய் கள அமைப்பு. 170 இலக்கை விரட்டிக் கொண்டிருந்த கொல்கொத்தா அணியின் சூர்யகுமார் யாதவுக்கு கால் பக்கம் பந்தை flick செய்து சிக்ஸர் அடிக்கப் பிடிக்கும். இதை உணர்ந்து ரோஹித் சரியாக டீப் மிட்விக்கெட்டில் தடுப்பாளரை வைத்திருந்தார். யாதவ் அப்பொறியில் கச்சிதமாய் வீழ்ந்தார். அதே போல் மலிங்காவின் ஓவரில் மெதுவான பந்துகளை கணித்தாட முடியாமல் பியுஷ் சாவ்லா திணறுவதைக் கண்ட அவர் ஆடுதளத்தின் மெத்தனத்தன்மையை கணித்து இறுதி ஓவரை பகுதிநேர மெதுவேக வீச்சாளர் கயரன் பொலார்டுக்கு அளித்தார். முதல் பந்தில் யூசுப் பதான் வெளியேற நான்கு பந்துகளில் ஒன்றைக்கூட சாவ்லாவால் அடிக்க இயலவில்லை. ஒரே ஒரு பந்து பந்தின் கீழ்விளிம்பில் பட்டு மோசமான களத்தடுப்பு காரணமாய் நான்கு ஓட்டங்கள் போனது தவிர வேறு பாதிப்பு இல்லை.


ரோஹித்திற்கு ஆட்டத்தின் போக்கு பற்றின ஒரு சரியான புரிதல், ஒருவித ஆட்ட உணர்வு, புத்திசாலித்தனம் எல்லாம் உள்ளது. வேகமாய் முடிவெடுக்க முடிகிறது. புத்திசாலித்தனமாய் களம் அமைக்கிறார். மூத்த வீரர்களை ஒருங்கிணைப்பதும் சிறப்பு. தேவையின்றி பதற்றமாகிறார் என்பது மட்டும் தான் சிறு குறை. எதிர்காலத்தில் இந்திய அணித்தலைவராக அவருக்கு நிச்சயம் வாய்ப்பு கொடுத்து பார்க்கலாம்.


இவ்வளவும் எழுதுகிற போதும் நேற்றைய ஆட்டத்திற்கு சூதாட்ட சம்மந்தமுள்ளதோ என ஐயம் எழாமலும் இல்லை.

No comments: