Tuesday, October 14, 2014

குடித்து விட்டு ஆளைக் கொல்பவர்கள்

மூன்று பேர் மீது ஏறிய கார்

நேற்று பொதுவாக பொம்மைக்கார் விடுவது போல் சாலையில் கார் ஓட்டிக் கொண்டிருந்தார்கள். மந்தைவெளி அருகே ஒருவர் குடித்துக் கொண்டு ஒன்வேயில் என்னை இடிக்க வந்தார். போகிற வழியெங்கும் இப்படித் தான் ஓட்டினார்கள். நேற்று பொதுவாகவே கார் போக்குவரத்து அதிகம் போல் தோன்றியது. பைக் ஓட்டுபவர்களும் ஏதோ பின்னால் சுனாமி துரத்துவது போல் ஓட்டினார்கள். ஒரு கட்டத்தில் சாலை ஓரமாய் நிறுத்தி விட்டு ஒன்றும் பண்ணாமல் சாலையை வேடிக்கை பார்த்தேன்.


ஆனால் சாலையில் தூங்குபவர்கள் என்ன செய்ய முடியும்? நேற்று வேளச்சேரி அருகே காரில் வந்த குடிகாரர்கள் நடைபாதையில் தூங்கின மூன்று பேர் மீது வண்டி ஏற்றி கொன்று விட்டார்கள். அதில் ஒரு பெண் கர்ப்பமாக இருந்தாள். அவள் குழந்தை தூக்கத்தில் உருண்டு போய் விட்டால் விபத்தில் தப்பி விட்டது. பிரச்சனை குடி மட்டுமல்ல அதிக வேகமும் தான். கார் ஓட்டும் போது நூறைத் தொட இயல்பாகவே தோன்றுகிறது. கார் வேகத்தை 70-80 கீழ் கட்டுப்படுத்தினாலே கணிசமான விபத்துகள் குறைந்து விடும்.

அதற்கு மேல் வேகமாக ஓட்ட வேண்டும் என்றால் 10 -20 லட்சம் அரசிடம் செலுத்தி வைக்க சொல்ல வேண்டும். கொல்லபடுபவர்களுக்கு இழப்பீடாக கொடுக்கலாம். ஏனென்றால் பொதுவாக விபத்து வழக்குகளில் பாதிக்கப்படுபவரின் வருமானத்தை பொறுத்து தான் இழப்பீடு தீர்மானமாகிறது. அது ரொம்ப குறைவாக இருக்கும்.

No comments: