Friday, February 24, 2012

எதிர்பாரா சந்திப்புகள் -டேன் பாகிஸ்



ஒரு கண்ணாடியை எதிர்பாராது பார்க்கிறோம்; திரும்பிக் கொள்ள சற்று தாமதமாகி விடுகிறது.
என்ன புதுசு, நாம் மாறவே இல்லை என்பது தான் குட்பை பார்த்து ரொம்ப நாளாகிறதே.

கிட்டத்தட்ட ரகசியமாய், சந்திக்கிறீர்கள் பழைய காகிதங்களின் கத்தை ஒன்றை.
நீங்கள் தாக்குப்பிடித்து விட்டீர்கள், அவையும் தான். நீங்கள் வேறென்ன தான் சொல்ல முடியும்?

நாளங்களில், தமனிகளில் உங்கள் இதயத்துடிப்பை நோக்கி, பிறகு வேறுபட்ட ஒரு துடிப்பை நோக்கி, அலைந்து திரிகிறீர்கள். அந்த ரத்தமும் கூட போய் விட்டது.

பிறகு திடீரென, அலமாரிக்குள், உங்களது அந்த புகைப்படம்: முக எலும்புகள் துருத்தி தெரிய அந்த பேயறைந்த தோற்றம்,

ஆமாம் அதே எலும்புகள் தாம். இப்போது உங்களுக்கு புரிகிறது:
நீங்கள் சாகக் கூட இல்லை. நீங்கள் துறந்தது எல்லாம் வீண்.

பிறகு என்ன விடையுடன் நீங்கள் திரும்பப் போகிறீர்கள்? எந்த கேள்வியும் இல்லாத பட்சத்தில்.
நீங்கள் எதிர்பாரா சந்திப்புக்கு தயாராகி விட்டீர்கள், எழுந்து, கதவை உடையுங்கள்;
பாதாள அறையின் படிக்கட்டுகளில் இறங்கி அறிமுகப்படுத்திக் கொள்ளுங்கள் உங்களை
சுவரிடம்.

No comments: